Becozz Ah wiz a Clivir Boay


Becozz Ah wiz a clivir boay,
naebdi telt mi stuff.
Becozz Ah wiz a clivir boay,
Ah felt Ah neednae
ask enuff.

Becozz Ah wiz a clivir boay,
I nivvir hud tae learn,
N whit Ah knew wiz mair ‘n enuff
tae stoap ma wurld
fae tairin.

Every wean huz a maw and a da,
an thi da diz thi wurkin n drinkin
N thi maw huz yoo thi hail day throo.
She diz wahshin, cookin.
Thinkin.

Evribdiz hoose is quiet at night,
N evribdiz loaked in thir heidz.
N naebdi toks cept the folks oan thi Box
thit yi watch when yir huvvin a feed.

Evribdiz maw, she teaches that much
thirs berrly a need fur schoolin.
Bi thi time ye go, ye know thirs no
room fur knowledge, jist learnin, nae foolin.

So bi then they aw thocht me a clivir boay,
light years aheed o thi others;
an ma schoolmates thocht Ah’d sit an swot
whilst they fought wi sisters n brithers.

N becozz ah wizz a clivir boay
things wir aye whit they wur, Ah wiz sure.
N fae waddin tae birth, bein jist seven month
Jist meant Ah wiz premature.

Becozz Ah wiz a clivir boay,
naebdi telt mi stuff.
Becozz Ah wiz a clivir boay,
Ah felt Ah neednae
ask enuff.

Advertisements

2 thoughts on “Becozz Ah wiz a Clivir Boay

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s